Директорлар кеңесі

Құрманғазы Есқазиев

ҚМГ БӨ-ның Бас Директорi, «ҚазМұнайГаз» ҰК»АҚ-ның Басқарма төрағасының барлау, өндіру және мұнайсервистері жөніндегі орынбасары

2015 жылдың 23 қыркүйегінен бастап ҚМГ БӨ бас директоры (Басқарма төрағасы).
2018 жылдың 12 маусымынан бастап «ҚазМұнайГаз»ҰК АҚ Басқарма төрағасының барлау, өндіру және мұнайсервис бойынша орынбасары. 1965 жылдың 11 мамырында туған.
Білімі және атақ-дәрежесі: В.И.Ленин атындағы Қазақ политехникалық институтының мұнай факультетін геолог-тау-кен инженері мамандығы бойынша бітірді.
2006 жылы Томск политехникалық университетін «геология-минералогия ғылымдары кандидаты» біліктілігін иемденіп бітірді.
Әл-Фараби атындағы ғылым мен техника саласындағы Мемлекеттік сыйлықтың лауреаты, И.М.Губкин атындағы Ресей мұнай және газ мемлекеттік университетінің «Көмірсутегі жүйесінің геологиясы» кафедрасының профессоры, Ресей табиғи ғылымдар академиясының академигі (РТҒА).
«Құрмет» орденімен, «Қазақстан Республикасының тәуелсіздігіне 20 жыл» естелік медалімен, «ҚР Жер қойнауының Үздік барлаушысы» белгісімен марапатталған. 
Жұмыс тәжірибесі: Еңбек жолын Балықшы барлау бұрғылау басқармасының оператор-коллекторы болып бастап, одан соң «Эмбанефть» ӨБ Тампонаждау мекемесінің цементтеу жөніндегі операторы болып еңбек жолын жалғастырды. Балықшы барлау-бұрғылау басқармасының №1 бұрғылау экспедициясының геологы болып жұмыс істеді.
1991-1995 жж – 2 санатты геолог, «Ембімұнайгаз»АҚ ОИТҚ Атырау бұрғылау жұмыстары басқармасының жетекші геологы.
1995-2004 жж – мұнай қабаттарының өнімділігін арттыру және ұңғымаларға күрделі жөндеу Атырау басқармасының бас геологы,директордың орынбасары (АМҚӨБ және ҰКЖ),«Ембімұнайгаз» ААҚ геология және мұнай-газ кен орындарын игеру департаментінің директоры.2004-2008 жж. – «ҚазМұнайГаз»Барлау Өндіру»АҚ геология және игеру департаменті директорының орынбасары,кейіннен директоры болып жұмыс істеді.  2008-2015 жж.-«ҚазМұнайГаз»ҰК АҚ мұнай және газ өндіру жөніндегі атқарушы директор, геология, геофизика және резервуарлар жөніндегі басқарушы директор, бас геолог, «ҚазМұнайГаз» ҰК АҚ Басқарма төрағасының геология және келешек жобалар бойынша орынбасары,операциялық емес активтер бойынша басқарушы директор(Теңіз, Қашаған, Қарашығанақ),геология бойынша басқарушы директор қызметтерінатқарды.2015 жылдың қаңтар айынан бастап «Ембімұнайгаз»АҚ бас директоры(Басқарма төрағасы)болып еңбек етті.

Дәурен Қарабаев

«ҚазМұнайГаз» ҰК» АҚ Басқарма төрағасының орынбасары – қаржы директоры, ҚМГ БӨ директорлар кеңесінің төрағасы

Дәурен Қарабаев, CFA – «ҚазМұнайГаз» ҰК» АҚ Басқарма төрағасының орынбасары – қаржы директоры, 2017 жылдың мамырында БӨ ҚМГ- ның Директорлар кеңесінің мүшесі болып сайланды. 2017 жылдың қыркүйегінде БӨ ҚМГ- ның Директорлар кеңесінің төрағасы болып сайланды. Бұған дейін «Қазақстан Халық Банкі» АҚ Басқарма төрағасының орынбасары қызметін атқарды. Mays Business School – Texas A&M қаржы саласындағы ғылым магистрі атағына ие.

Қуандықов Балтабек

ҚМГ БӨ-ның тәуелсіз директоры

1948 жылы дүниеге келді, Қазақстан азаматы болып табылады.1971ж. Алматы қаласының В. И. Ленин атындағы Қазақ политехникалық институтындағы Мұнай факультетін бітірді. Мамандығы: мұнайшы-геолог.
Геология-минералогия ғылымдарының докторы, Еуразия халықаралық экономика Академиясының корреспондент мүшесі, Халықаралық минералды ресурстар Академиясының академигі.
«Гурьевмұнайгазгеология» бірлестігінің «Қазмұнайгазбарлау» геологиялық басқармасының бас геологы, геологиялық бөлімнің басшысы, геологиялық бөлім басшысының орынбасары, мұнай барлау экспедициясының далалық геологы, ҚР Геология, энергетика және отын ресурстары министрлерінің орынбасары, «Қазақстанкаспийшельф» АҚ, «Қазақойл» ЖАҚ президенті, «Нельсон Рисорсис Лимитед» канадалық компанияның президенті қызметтерін атқарды.
2006 жылдың ақпан айынан бүгінгі күнге дейін «Меридиан Петролеум» компаниясының директоры лауазымында. Сондай-ақ, 2009 жылдан бастап қазақстандық мұнайшы-геологтар қоғамын басқарып келеді.

Ертілесова Жаннат

ҚМГ БӨ-ның тәуелсіз директоры

Еңбек жолын ҚазССР Мемжоспар жанындағы экономика және нарық қатынастары ғылыми-зерттеу институтында ғылыми маман қызметінен бастады.
1992 жылы аталған институт директорының орынбасары болып тағайындалды.  Кейін ҚР Экономика министрлігіне шақырту алып, қаржы-несиелік саясат басқармасы басшысы қызметіне кірісті. ҚР Министрлер кабинеті және ҚР Үкіметі жанындағы экономикалық реформалар орталығының басшысы, Қаржы министрінің бірінші орынбасары, «Қазақтелеком» АҚ вице-президенті, ҚР Президент Әкімшілігі басшысының орынбасары, ҚР Қорғаныс министрінің орынбасары,  Қазақстан Республикасы Табиғи монополияларды реттеу және бәсекелестікті қорғау жөніндегі Агенттігі төрағасының бірінші орынбасары, Қазақстанның салық төлеушілер қауымдастығы кеңесінің басқарушы төрайымы, Ұлттық кәсіпкерлер палатасы басқарма төрағасының орынбасары және тағы басқа лауазымдарда еңбек етті. Қазіргі таңда «Эксперт Қазақстан» ЖШС директоры қызметін атқарады. 
2016 жылдан бастап, осы уақытқа дейін ҚР Ұлттық экономика министрлігінің Қоғамдық, Қазақстан Республикасының Мемлекеттік қызмет істері және сыбайлас жемқорлыққа қарсы іс-қимыл агенттігінің Қоғамдық, Ұлттық кәсіпкерлер палатасының Кәсіпкерлердің құқықтарын қорғау және сыбайлас жемқорлыққа қарсы іс-қимыл кеңестерінің мүшесі, Қазақстан Республикасы Ұлттық экономика министрлігінің Табиғи монополияларды реттеу, бәсекелестікті қорғау және тұтынушылардың құқықтарын қорғау комитеті басқармасының мүшесі. Сонымен қатар, Қазақстан Республикасы Ұлттық экономика министрлігінің Табиғи монополияларды реттеу, бәсекелестікті қорғау және тұтынушылардың құқықтарын қорғау комитеті басқармасының мүшесі, және «Экономикалық зерттеу институты» АҚ, «Медициналық сақтандыру қоры» АҚ, «Халық шаруашылығы университеті» АҚ, «Ембімұнайгаз» АҚ, «Өзенмұнайгаз» АҚ-дарында Директорлар кеңесінің мүшесі, тәуелсіз директоры.

Наверх